TUDUKAN SAMBAYANG HARI MINGGU GEREJA PCS JEMAAT TINANGOL.

Tarikh: 22hb Mac 2020.
Tema: Samod penopiiso tokou sid Kinoringan.
Teks: Kolose 3: 12-17

            Shallom om salamat sasarap sokovai. Nunu habal ditokou? Kakal ih monorima kasih sid Kinoringan to kakal ih varo hiza tokou miumpung sumbayang adau biano maiko okon ko sid gorija nga sid valai tokou kondiri.  Rontob nopo amu kavasa tokou songko panaho didino. Antad 18 – 31/3/2020. Ombo no ong maiko sid valai tokou nga hiza didino nga kakal ih samod om kovosihan do Kinoringan mozo vozo ditokou sokovai. Kagi ih kontimpunan do gorija nga tumimpuun sumbayang sid valai, harati kakal ih dot kosuhut tokou dit tudukan do Kitab.

Umpatod surat Kolose
            Surat Kolose surat di rasul Paulus om ih Tomotius (Kol 1:1) hiza sid torongku sid Rom Itali (Kol 4:3,10,18, Kis 29:16-31). Toun kenoponuratan toun 62 Masihi. Piumpungan Kolosei okon ko ih rasul ot minonimpuun topot uva dit pelayanan dioti hiza sid Efesus solinaid 3 toun (Kis 20:31). To osomok pialatan dot Kolose om Efesus. Rasul Pulus kondiri amu insan korikot sid Kolose (Kol 2:1). Topot varo gama di Paulus rumamit habal antad sid piumpunga Kolose antad koruhang dioti it ngaran dau Epafras ( Kol 1:7, 4:12).
            Tomodon dit surat di Paulus kumaa sid piumpungan Kolose  mangambat dit ongo tudukan mamalid dit kosipan dit ogoulun sid piumpungan Kolosei hiza diri (Kol 2:8), nelaan di Paulus antad sid habal di Epafras kagi mad yalo ot menogigkakat di piumpungan dot Kolose, harati opuriman om elaan banal dau kuran kavazaoo dit tudukan dinot mamalid. Rontob amu noboros sid surat diti dot nunu ino tudukan mamalid. Nga mad it ongo pogitungan / falsafah dit ongoulun sino, tudukan dot kovongo vongo dit ongo ulun Kristian om ulun Yahudi dot okonko antad sid Kitab.

Umpatod teks
Tudukan kuran o bahazan dit ongulun kasip (Ko 3:1-17);
1.      Kuran bahazan dit ongulun kasip (Kol 3:1-4).
2.      Peduon nit kobuatano kakal ih sid dosa (Kol 3: 5-9).
3.      Kobuatano vangun vagu sidi Yesus Kristus (Kol 3:10-17).

Panarangan dit Tema
            Samod penopiiso tokou sid Kinoringan. Ongumu ot kesaan sid pomogunan dot miso gima iso not tomodon, yadko umpug dot politik, miso yoti gima to mirad ot sunguvon. It sumikul sid iso iso ot bidang miso gima mirad ot bidang, it dinominasi gorija miso gima mirad ot tudukan, doketrin om kosipan. Topot ong sid tinoguvangon dot Kinoringan it koopiisaan tokou ino no samod. Songo tokou nopo ongo varo samod varo no piniizaan tokou sid tinoguvangon dot Kinoringan. Sid sirang tokou, gorija, kampong ko pomogunan tokou ong varo no samod harati varo piniizan tokou sid tinoguvangon dot Kinoringan.   Varo piniizaan om kesaan tokou sid Kinoringan sino no it ih Tuhan Yesus. Ka di Tuhan Yesus “Ongo varo duo tolu miumpung sid nagaranKu sino Oku” (Matius 18:20). Nunu harati om guna ong sid pialatan tokou ih Tuhan Yesus? Nunu nopo ot indomoon ditokou tumbozoon dot Kinoringan (Matius 18:19). Iti no guna dot miso tokou sid tinoguvangon do Kinoringan.

Panarangan dit teks
Ayat 12: Ih tokou dit ongoulun dit nopilih do Kinoringan om sinamadan Dau apatut dot varo gama monongkosiaan, kozuhu, osibak ogi ginavo, oluhud om okosog.
Ayat 13: Lumanut dit kobuatono dit ulun vokon, padaa dit salah dot ulun om amu patahu dot sana sid ulun vokon.
Ayat 14: Miasamod tokou no sid saralom do pinizaan.
Ayat 51: It kohigakan antad sid Kinoringan varo sid ginavo tokou, om somul monorima kasih sid Kinoringan.
Ayat 16: Somul mongindazau tokou do Kinoringan dot mindolongoi mongindazau do Kinoringan om it boboroson tokou nga noponu dot tudukan de Tuhan Yesus Kristus.
Ayat 17: Nunu nopo gamaon tokou gima ih Tuhan Yesus om somul monorima kasih sid Kinoringan.

Lavis
             Gima to rumosi tokou dot asakaton tokou dit virus dot COVID-19 songpomogunan varo gama mangkis, mamakai dot mask, momoug longon dot pamatai dot virus om omu tokou miamung. Kuran no ong gama tokou mangkis dit dosa? Mirad ih varo gama tokou montupat dit munung hiza mumbogut tokou supaya amu paraliw dot dosa sid ulun vokon (Yakobus 3: 3-6).
           
                                                       

Comments

Post a Comment

Popular posts from this blog

1 Petrus 2:23-25 (TB)  Ketika Ia dicaci maki, Ia tidak membalas dengan mencaci maki; ketika Ia menderita, Ia tidak mengancam, tetapi Ia menyerahkannya kepada Dia, yang menghakimi dengan adil. Ia sendiri telah memikul dosa kita di dalam tubuh-Nya di kayu salib, supaya kita, yang telah mati terhadap dosa, hidup untuk kebenaran. Oleh bilur-bilur-Nya kamu telah sembuh. Sebab dahulu kamu sesat seperti domba, tetapi sekarang kamu telah kembali kepada gembala dan pemelihara jiwamu. https://alkitab.app/v/5d5128bfaf33 Shallom semua bertemu lagi dalam Kebaktian Minggu Sengsara Tuhan Yesus. Tahun ini agak istemawa sebab gereja kita tidak dapat beribadah dalam gereja akibat wabak COVID-19, ada perintah kawalan pergerakan (PKP) dan penutupan semua rumah ibadah. Ibadah pertama kita belajar dalam teks ialah tentang 3 manafaat rohani melalui kematian Tuhan Yesus. Pertama, rohani kita dibangkitkan semula daripada dosa. Dahulu kita adalah orang yang sudah mati secara rohani akibat dosa. Tidak ...
Read more
Tarikh: 8/3/2020. Tema: Kasih Allah Sebagai Titik Mula Segala sesuatu. Teks: Kisah Para Rasul 2: 41-47. Tempat: Gereja PCS Jemaat Nongkul. Penyampai: Manuel Akiun. Selamat minsosodop sokovai, nunu habal ditokou? Ombo it varot omoton na tumimpuun no mogomot. Kakal ih varo musim mongomot sampai didino gima it kuasa do Kinoringan munda tunda diti pomogounan tokou, minanahak darun, adau om barat dot pongopud dit ongoginamaan tokou. Sukul humarati tokou dit musim dit netahak sidi tokou (Elo mogimot dit pagasakan). Tema tokou biano inono: Kasih Allah sebagi titik mula segala sesuatu/ It samod do Kinoringan puun dit sokovai. Teks: KPR 2:41-49 Adau biano kening tokou boros do Kinorigan kanangan ko iti kahvazoo diti ongo ulun Kristian koripupuun sid pomogunan dot Yerusalem. Basao tokou it teks. Umpatod             Umpatod Kitab Usuran dit Ongorusul suput dit Kitab Injil Lukas, sinurat di Dr. Lukas, it nokovozo vozo po it...
Read more